ⵜⴳⴰ ⵜⵎⴰⵣⵉⵔⵜ ⵏ ⵙⵎⵔⵉⵔ ⵢⴰⵜ ⴳ ⵜⵎⵉⵣⴰⵔ ⵏⵏⴰ ⵉⵍⵍⴰⵏ ⴳ ⵓⵙⴰⵎⵔ ⵏ ⵍⵎⵖⵔⵉⴱ, ⵍⵍⴰⵏ ⴳⵉⵙ ⵜⵓⴳⵜ ⵏ ⵉⵥⵓⵕⴰⵏ ⵏ ⵉⵎⴰⵣⵉⵖⵏ ⴰⵎ ⴰⵢⵜ ⵄⵟⵟⴰ ⴷ ⴰⵢⵜ ⵎⵕⵖⴰⴷ ⴷ ⴰⵢⵜ ⵃⴷⵉⴷⴷⵓ, ⴰⵔ ⴳⵉⵙ ⵜⵜⵉⵍⵉ ⵜⵉⵣⵣⵉⵣⵓⵜ ⴳ ⵜⵉⵣⵉ ⵏ ⵜⴼⵙⵓⵜ ⴷ ⵓⵏⴱⴷⵓ, ⵎⴰⵛⴰ ⴰⵔ ⴳⵉⵙ ⵉⵜⵜⵉⵍⵉ ⵓⴷⴼⵍ ⴳ ⵢⵉⵎⵉⵔ ⵏ ⵜⴳⵔⵙⵜ, ⴷ ⵓⵏⵥⴰⵕ ⴳ ⵢⵉⵔⵉⵎⵏ ⴽⵓⵍⵍⵓ, ⵉⵍⵍⴰ ⵉⵊⵢⴰⵍ (ⴰⴼⵍⵍⴰ) ⵏ ⵡⴰⵙⵉⴼ «ⵉⵎⴹⵖⴰⵙ».
ⵍⵍⴰⵏ ⴳ ⵎⵙⵎⵔⵉⵔ ⵎⵏⵏⴰⵡ ⵏ
ⵉⵖⵔⵎⴰⵏ ⵣⵓⵏⴷ ⵜⴰⴷⴷⴰⵔⵜ-ⵏ-ⵓⴳⵔⵔⴰⵎ, ⵓⵄⵜⴰⴱ, ⴰⵢⵜ ⵓⵏⵉⵔ, ⵍⵊⴷⵉⴷ, ⵜⵉⵖⵔⵎⵜ, ⵜⴰⵎⴰⵙⵉⵏⵜ,
ⵉⵎⵉ-ⵏ-ⵡⴰⵔⴳ, ⵜⴰⵄⴷⴰⴷⵜ, ⵓⵙⵉⴽⵉⵙ, ⵜⵉⴷⵔⵉⵜ…
ⴷⴰ ⴰⵙ ⵜⵜⵉⵏⵉⵏ
ⵎⵙⵎⵔⵉⵔ ⴰⵛⴽⵓ ⴳ ⵓⵎⵣⵔⵓⵢ ⵜⴳⴰ ⵢⴰⵏ ⵓⴷⵖⴰⵔ ⵏⵏⴰ ⵜⵎⵢⴰⴳⴳⴰⵔⵏⵜ ⵜⵉⵇⴱⵉⵍⵉⵏ ⵏ ⵓⵙⴰⵎⵔ ⴰⵔ ⴳⵉⵙ
ⵙⵏⴼⴰⵍⵏ ⵜⵜ (ⵙⵎⵔⴰⵔⴰⵏ ⵜⵜ) ⵉⴳⵎⵎⴰ ⴷ ⵉⵛⴰⴽⴰⵏ ⴷ ⵜⵉⵖⴰⵡⵙⵉⵡⵉⵏ ⵏⵏⴰ ⴷ ⵉⵡⵉⵏ ⵜⵜ ⴳⵔ ⴰⵙⵏ ⵜⵜ.
ⵎⵙⵎⵔⵉⵔ ⵜⵜⵉⵏⵜ ⴰⵙ ⵜⵓⴳⵜ ⵏ ⵜⵎⵉⵣⴰⵔ ⵣⵓⵏⴷ
ⴰⵢⵜ ⵙⴷⵔⴰⵜ, ⵜⴰⵎⵜⴻⵜⵜⵓⵛⵜ, ⵉⵎⵉ-ⵏ-ⵍⵛⵉⵍ, ⵉⵃⵏⵚⴰⵍⵏ, ⵜⵉⵍⵎⵉ …
ⵜⴰⵎⴰⵣⵉⵔⵜ ⵏ ⵎⵙⵎⵔⵉⵔ
ⵜⴻⵜⵡⴰⵙⵏ ⵙ ⵜⴽⵔⵣⴰ ⵏ ⵢⵉⵔⴷⵏ ⴷ ⵜⵎⵣⵉⵏ, ⵏⵏⴰ ⴽⵔⵣⵏ ⵎⵉⴷⵏ ⵃⵎⴰ ⴰⴷ ⴳⵉⵙ ⵜⴻⵜⵜⴰⵏ ⴳ ⵓⵙⴳⴳⵯⴰⵙ
ⴽⵓⵍⵍⵓ, ⴰⵔ ⴽⵔⵣⵏ ⴰⵡⴷ ⵜⴰⵍⵍⵓⵖⴷⴰ ⴷ ⵓⴷⴼⴼⵓⵢ ⴰⴼⴰⴷ ⴰⴷ ⵜⵏ ⵣⵏⵣⵏ ⴳ ⵓⴳⴰⴷⴰⵣ ⵙⵖⵏ ⴰⵢⵏⵏⴰ ⵜⵏ
ⵉⵅⵚⵚⴰⵏ ⴳ ⵜⵓⴷⵔⵜ ⵜⴰⴽⵓⵢⴰⵙⵜ ⵏⵏⵙⵏ.
Commentaires
Enregistrer un commentaire