tamacahot: tifiras n ljnun

tifiras n ljnun ( les poires des démons)

Inak illa  yan uryaz  ur  ɣurs  illi  umya,  iga lmskkin,  idu s ɣur uymas  inna as  “ aha, uyma  ky  illa ɣurk lmal, fki  kra  mas  tɛyadɣ  nk d  tarwa  nnu”

Inna yas uymas “ ur niɣ ad ak fkɣ amya,  ig  walu  ɣurk  mas  tɛayd  tdut  ad  tmmt  g  lbḥar "

Iqim dis lḥal, idu s tarf n lbḥr, iggn dis.

Yilli  yan  uylid  n  ljnun g  yat  tǧẓirt  tama  n  lbḥar, anayn d ixmassn  n uylid  aryaz iggn tarf  n lbḥar,  dun ẓars asin tt s ssfint , ur  iẓri  ixf nns  ag  n  iraḥ  ɣur uylid n ljnun,

Inna  as  uylid  “ is tgit  amkraz ?”

Inna as uryaz “ tawuri nnu nik ayna “

Ik as uylid n ljnun yan ukcuḍ  n tfiras i uryaz, inna as “ ẓẓuṭ , ig imɣi da ak  takaɣ ayna  trit, mk ur imɣiy da tggat axmas inu abda “

Yasi uryaz akcuḍ, iẓzut  g  tǧẓirt, ar t iswa ku was, ag  zrin  itsn  iyyirn, imɣid ukcuḍ, yaru  snat tfiras,

inna as uylid  i uryaz “ mas trit ad ak t kkɣ ? lmal nɣ d tifiras naɣ?”

Inna as uryaz “ riɣ lmal “, ik as ayda ira, yuɣul uryaz s tadart nns, yaɣul irbḥ ugar n uymas, tdu tmṭtut n uymas s ɣur tmṭtut nns,

 tnna as “mani awn d ika lmal ddɣ” , ag tsnt mad iskr, tuɣul s aryaz nns tnna as t, idu awd ntta iskr imkinaɣ, ag as inna uylid n ljnun “matrit id lmal nɣ tifiras ddɣ?”

Inna as “ lmal illa ɣuri, ki d tifiras naɣ”, ik as ayda ira, yuɣul s tadart nns, g ubrid kud inzzɣ ittča tifiras, acku yufan is atfutnt, imih ar as tmɣayn iqqray (iskawn), da gn igula taddart, tnna as tmṭtut nns “ mad tiwit”  isnɛt as iqqray, inna as “han mad iwiɣ”.

“una ur icckirn da as tmɣayn iqqray “