tamacahot n Tabusyart ( قصة الغربال )

Tabusyart

Ika ttn  g  yan  uzmz  g  yat  tmazirt  ilan  ammas  n  idurar, yat  trbat taǧujilt  tzdaɣ  d  babanns d lalas ( tamtut n babanns ).

Lalas ur tt tḥmil, tẓuẓṭ kan wass ad tt tzl ad digs tsunfu, ku ass ar as tskar ma tt isallan, ar ttini i uryaz nns “ixssa ad tt tzlt ad ur tt

ttaniɣ g taddart inw “

G twuri da tt tskrfas, da as takka tabusyart  ad is tagm  taqlilt n waman sg yan uɣbalu iɛrqn i yɣrm, bac ig d taɣul bla aman nɣ ig nn tɛṭr, as tt ttut zun-d ku ass.

Yan wass tka as tabusyart tnna as mun d utmam (ilis n lalas) tka as taqlilt i ilis ntat, tnna asnt “ tnna d izwarn kɣ as tasmid, tnna n iquman tqqim bla mtču “

dunt ad agmnt, tuɣuld ilis zik tugm d taqlilt nns tuɣul s tadart tkas ma nns tasmid ag tettča, tqim twujilt ar tagm tabusyart ag n tɛter,

Da gn taɣul ar tt tkkat lalas ag da talla idamen, tadj tt bla imnsi, Askka nns dunt diɣ ad agmnt da gn gulant aɣbalu awin as waman tabusyart i twujilt, tqqim ar talla, tsn is qad tt tut lalas ig n ur tiwiy tabusyart,

Tuɣul s taddart tnna as  i lalas “yiwi wasif tabusyart “  tut lalas tnna as “ ddu inig tt d, sqsa imdwan, tfur tt ar tt taft“ 

 

Tddu  twijit ar tinig g wasif, amda s amda, ar  tsqsa imdwan

Ig n tgula ɣur kan umda tini as “ manza tabusyart inw a imdwan n lḥlal u lḥlal ?”

Ag tufa amda dda g tlla tbusyart nns , nnan as ayt umda “ qqan alln nnm tkčmd a tarbat n lḥlal u lḥlal “

Tkčam  s ɣur ayt umda  nnan as “ mad am  ntssu a tarbat n lḥlal u lḥlal“

Tnna asn suyat i  tagrtilt, sun as lḥrir ,

Kin as tabusyart  n wurɣ  d  yan  yiyyis  itkarn  s  lyaqut  d  wurɣ d  uẓrf,

Tddu  tuɣul  s tadart,  dda  gn  tgula  tks as lalas tabusyart tk as tt i illis tnna as “ ddu awd km gr tt s asif ad ttawit urɣ zun-d tawujilt ddɣ “

Tddu trbat ar ɣur wasif tzdu i tbusyart, tddu ar tkka xf imdwan ar asn tini “ manza tabusyart inw a imdwan n lḥram u lḥram”

Ag n tgula amda da g tlla tbusyart nns, nnan as ayt umda “qqn alln tkčm d a tarbat n lḥram u lḥram”

nnan as” mad am ntssu”

tnna asn “ ssuwat i lḥrir tkm i lyaqut d wurɣ “

Ssun as tagrtilt kin as tabusyart n ukcuṭ d yan uɣyul itkarn s luḥuc d ifaɣriwn.

Tawi tn s taddart tgr tn ma nns s yan uḥanu tgr zars tawujilt, tnna as “ akm ttčin luḥuc adkm nn njji “

Taf nn twujjilt yat tslmt ammas n luḥuc, ur da tadja luḥuc ad tt tčin

Tani tt lalas ur as skirn aḍu, tnna as i trbat nns kčm kmm s ɣursn ur nnin ad am skern walu,

Dda g tkchm trbat ttčint luḥuč, tkčm mma nns ad as tn tkks  tčint awd ntat.

 

Safi tddr twujilt d babas g lhna d raḥt, iɣnutn rbi 

        

 

 

               Zrixtn in g lhna duɣd g wayṭ